चितवन हात्ती तथा पर्यटन महोत्सव : सौराहाका हात्तीको स्वास्थ्य परीक्षण

December 29, 2024
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -

रत्ननगर,पुस १४- सौराहामा जारी चितवन हात्ती तथा पर्यटन महोत्सव अन्तर्गत आइतबार सौराहाका हात्तीहरुको स्वास्थ्य परीक्षण गरिएको छ ।

सौराहाको सफारी पर्यटनमा प्रयोग हुँदै आएका निजी स्तरका हात्तीहरुको स्वास्थ्य परीक्षण गरिएको हो ।

- ADVERTISEMENT -

Advertisement

नेपाल पर्यटन बोर्डसंगको सहकार्य तथा राष्ट्रिय प्रकृति संरक्षण कोष सौराहाको सहकार्यमा आयोजना गरिएको शिविरमा सौराहाका ४५ वटा हात्तीको स्वास्थ्य परीक्षण गरिएको हो ।

- ADVERTISEMENT -

Advertisement

राष्ट्रिय प्रकृति संरक्षण कोष सौराहाका पशु चिकित्सक डा.अमिर सडौला र पशु प्राविधिक किरण रिजालले हात्तीको स्वास्थ्य परीक्षण गरेका हुन् ।

- ADVERTISEMENT -

Advertisement

उनीहरुको हात्तीको ज्वरो, खुट्टाको नङ व्यवस्थापन, शरिरमा रहेका घाँउ र अन्य संवेदनशिल अंकको परीक्षण गरी उपचार गरेका हुन् । सो अबसरमा डा.सडौलाले सौराहाको सफारी पर्यटनमा प्रयोग भएका हात्तीहरुको नियमित स्वास्थ्य परीक्षण आवश्यक रहेको भन्दै यहाँका हात्तीहरुको परीक्षण गरी उपचार गरिएको बताए ।

- ADVERTISEMENT -

Advertisement

उनले सौराहाका कुनै पनि हात्तीमा अहिले क्षयरोगको संक्रमण नरहेको भन्दै उनले परीक्षण भने गर्दै गर्नुपर्ने बताए । कलोपत्रे सडकमा हिड्दा हात्तीको खुुरमा समस्या देखिने गरेको भन्दै डा.सडौलाले हात्तीको नङ व्यवस्थापनलाई प्राथमिकता दिनुपर्ने बताए ।

यसैबीच महोत्सवको आयोजक संस्था क्षेत्रीय होटल संघ चितवन सौराहाले हात्तीको पेनल्टी सुट आउट, हात्ती सुन्दरी र हात्तीहरुलाई मिष्ठान्न परिकार सहित वनभोज खुवाएको महोत्सवका संयोजक रामकुमार आर्यालले बताए ।

हात्ती वनभोजमा ड्रागन फ्रुट, स्याउ, उखु, केरा, घाँस, खर्बुजा, भूइँकटहर, मकै, पाउरोटी, सुन्तला, भेलीमा पकाएको चामल, लगायतका खानेकुरा खुवाइएको संघका महासचिव गुणराज थपलियाले जानकारी दिए ।

नेपालमा एक सय ५० वटा हात्ती निजी स्तरमा पालिएका छन् । वनभोजमा हात्तीलाई मन पर्ने खानेकुरा दिइएको थियो । कलात्मक रुपमा सजिएका हात्तीले बनभोज खाँदै गरेको क्षण नजिक भएर सेल्फी खिच्नेको भिड रोचक थियो । हात्तीहरुको वनभोज कार्यक्रम आकर्षणको रुपमा रहँदै आएको छ । दर्जनौ हात्तीहरू एकसाथ भोज गरिरहदा उनीहरूमा छुटै रौनकता देखिन्थो । भने उनीहरूको भोज देखेर पर्यटक तथा दर्शक दंग थिए ।

महोत्सव अन्तर्गत भएको डुंगादौड प्रतियोगितामा भरतपुर महानगरपालिकाले प्रतिनिधित्व गरेको डुंगा प्रथम भएको छ । प्रतियोगितामा भरतपुर महानगरको तर्फ प्रतिनिधित्व गरेर राहुल चौधरीले निर्धारित दुरी १२ मिनेट ५१ सेकेण्डमा पार गरेका थिए रहेको डुंगा प्रथम भएको हो ।

संघका उपाध्यक्ष ओम पाण्डेले उद्घाटन गरेको सो प्रतियोगितामा रत्ननगर नगरपालिका द्धितीय र कालिका नगरपालिका तृतीय भएको महोत्सवको आयोजक संस्था क्षेत्रीय होटल संघ सौराहाका अध्यक्ष गंगा गिरीले जानकारी दिए ।

रत्ननगर नगरपालिकाको तर्फबाट कानु वोटे र कालिका नगरपालिकाको तर्फबाट होमबहादुर कुमाले डुंगा चलाएका थिए । सौराहा स्थित राप्ती नदीको २ किलोमिटरमा डुंगा दौड प्रतियोगिता गरिएको थियो ।

प्रतियोगितामा प्रथम, द्धितीय र तृतीय हुनेलाई महोत्सव समापन समारोहमा शिल्ड र नगद पुरस्कार प्रदान गरिने छ ।

महोत्सव अन्तर्गत शुक्रबार हात्तीको वनभोज कार्यक्रम आयोजना गरिएको छ । अङ्ग्रेजी नयाँ वर्षको अवसर पारेर सञ्चालन गरिएको महोत्सव सञ्चालन भईरहेको छ ।

- ADVERTISEMENT -
- ADVERTISEMENT -