रत्ननगर,असोज १४- रत्ननगर नगरपालिका वडा नं ९ का विपन्न समुदायका बाढी पीडितलाई राहत वितरण गरिएको छ।
वडा कार्यालयले २३ घरधुरीलाई राहत वितरण गरेको हो । वडा अन्तर्गत लालपर्सा, बालुवाटार, कपरफोरी, कुमालटोलका बाढी पीडितलाई प्रतिघरधुरी २५ किलो चामल, २ किलो दाल, २ किलो नुन, १ लिटर तेल, २ किलो चिउरा, १ पोका दालमोठ, २ बोका मस्यौरा र साढे दुई किलो आलु प्रदान गरिएको वडासचिव सुर्यप्रसाद ढुंगानाले जानकारी दिए ।
- ADVERTISEMENT -
वडाध्यक्ष अनन्त अधिकारी, वडा सदस्यहरु कमानसिंह चौधरी, शुष्मा खड्काथोकी र लेखबहादुर तामाङले बाढी पीडितलाई राहत हस्तान्तरण गरेका थिए ।
- ADVERTISEMENT -
वडाध्यक्ष अधिकारीले बाढीबाट प्रभावित विपन्न समुदायका घरधुरीलाई राहत वितरण गरिएको बताए ।
- ADVERTISEMENT -
ज्याला मजदुरी गरेर परिवार पाल्दै आएका समुदायलाई तत्कालको लागि छाकटार्नको लागि राहत प्रदान गरिएको उनको भनाई छ ।
- ADVERTISEMENT -
