काठमाडौं, भदौ २- सहकारी संस्था बचत रकम दुरुपयोग सम्बन्धमा बनेको संसदीय छानबिन विशेष समितिले राष्ट्रिय स्वतन्त्र पार्टी रास्वपाका सह-महामन्त्री विपीन आचार्यसँग बयान लिएको छ ।
आइतबार सिंहदरबारमा बसेको समितिको बैठकमा आचार्यसँग बयान लिइएको हो ।
- ADVERTISEMENT -

आचार्यले गोर्खा मिडिया नेट्वर्कमा क्रिएटिभ डाइरेक्टरका रूपमा काम गरेका थिए । उक्त मिडियामा हाल फरार गितेन्द्रबाबु राई अध्यक्ष र रास्वपाका वर्तमान सभापति रवि लामिछाने प्रबन्ध निर्देशक थिए ।
- ADVERTISEMENT -

समितिले आइतबार नै रास्वपा सभापति लामिछानेसँग पनि बयान लिने तयारी गरेको थियो । तर अन्य बयानका क्रममा बोलेका बयानकर्ताहरूको संख्या बढेकाले कार्यसूची फेरिएको छ ।
- ADVERTISEMENT -

पोखरास्थित सूर्यदर्शन बचत तथा ऋण सहकारी संस्था र बुटवलका सुप्रिम सहकारीबाट गोर्खा मिडिया नेट्वर्कमा लगानी आएको देखिएको थियो । समितिले कागजात अध्ययन गर्दा त्यस कार्यमा आचार्यको पनि संलग्नता देखिएको थियो।
- ADVERTISEMENT -

गोर्खा मिडियामा हुँदा आचार्यले सूर्यदर्शन सहकारी र सुप्रिम सहकारीबाट कारोबार गरेको देखिएको समितिका एक सदस्यले बताएका छन् ।