चितवन,साउन २१- यतिवेला रास्वपा सभापति रवि लामिछानेसहित रास्वपाका नेताहरु सार्वजनिक बसमा चढेका फोटो र भिडियोहरु सामाजिक सञ्जालमा छरपष्ट छन । सस्तो लोकप्रियताका लागि स्टनबाजी गरेको भन्दै चर्को विरोध समेत भएको छ । लामिछानेलाई चितवनकै पूर्व सांसद काँसिनाथ अधिकारीले फेसबुकमा सार्वजनिक बस चढेको दुई तस्बिर राख्दै ब्यंङ्य गरेका छन । अधिकारी पनि चितवन २ बाटै २०५१ सालमा निर्वाचित भएका थिए । उनि सादगी नेताको रुपमा चिनिन्छन ।
उनले भनेका छन्, पूर्व उपप्रधानमन्त्री एवं गृहमन्त्री माननीय रबि लामिछाने सार्वजनिक बसमै यात्रा गर्नुहुँदो रहेछ । तीस बर्ष अगाडि चितवन २ बाटै निर्वाचित पजेरो युगको सांसद हुँ म । हिम्मत नभएर प्राप्त पजेरो सुविधा सम्पूर्णरुपमा पार्टीलाई बुझाएं । ४३ बर्ष भयो पुरामनले पूर्णकालिन राजनीतिमा लागेको । अहिले पनि दैनिक सार्वजनिक बसमै हिंडिरहेको हुन्छु । अब माननीयजीसंग कुनै दिन बसमै भेटहोला !
- ADVERTISEMENT -
