श्रीलंकन टोलीविरूद्ध नेपालको २ रनको जित

काठमाडौं, साउन १- वुमन्स एसिया कप २०२४ को तयारीका लागि श्रीलंकामा रहेको नेपालले अभ्यास खेलमा जित हात पारेको छ।

यसअघिका दुई खेलमा लगातार पराजय भोगेको नेपालले मंगलबार भएको तेस्रो खेलमा एसएल डेभलवमेन्ट स्क्वाडविरुद्ध २ रनको जित निकालेको छ।

तेस्रो खेलमा १३ रनको लक्ष्य पछ्याएको एसएल डेभलवमेन्ट स्क्वाडलाई नेपालले २० ओभरमा ११० रनमै रोकेको हो।

त्यसअघि पहिले ब्याटिङ गरेको नेपालले ६ विकेटको क्षतिमा ११२ रन जोड्यो। नेपालका लागि रुबिना क्षेत्रीले ३७ रन र विन्दू रावलले २० रन बनाए। यसअघि नेपालले एसएल डेभलवमेन्ट स्क्वाडविरूद्धको पहिलो खेलमा ३३ रन र दोस्रो खेलमा ४ विकेटको पराजय भोगेको थियो।

श्रीलंकामा आगामी शुक्रबारदेखि देखि सुरु हुने एसिया कपमा नेपाल समूह ‘ए’ मा छ।

नेपालको समूहमा भारत, पाकिस्तान र युएई छन्। नेपालले पहिलो खेल जुलाई १९ मा युएईसँग खेल्नेछ। दोस्रो खेल पाकिस्तानसँग २१ जुलाई र समूहको अन्तिम खेल भारतसँग २३ जुलाईमा हुनेछ।