बाढी-पहिरोसहित विपद्‍‍बाट ज्यान गुमाउनेको संख्या ८८ पुग्यो

July 11, 2024
- ADVERTISEMENT -

काठमाडौं, असार २७ गत जेठ २८ यता देशका विभिन्न स्थानमा बाढी, पहिरो लगायतका विपद्‍बाट ८८ जनाको ज्यान गएको छ ।

प्रहरी प्रधान कार्यालयले सार्वजनिक गरेको विवरणअनुसार बिहीबार दिउँसोसम्म देशभर ८८ जनाले ज्यान गुमाएका हुन् ।

प्रहरीका अनुसार काठमाडौं उपत्यकामा १ जना, कोशी प्रदेशमा १९ जना, मधेश प्रदेशमा ४ जना, बागमती प्रदेशमा ५ जना, गण्डकी प्रदेशमा २५ जना, लुम्बिनी प्रदेशमा २३ जना, कर्णाली प्रदेशमा ४ जना र सुदूरपश्चिम प्रदेशमा ७ जना गरी जम्मा ८८ जनाको मृत्यु भएको हो ।

- ADVERTISEMENT -

Advertisement

काठमाडौं उपत्यकामा ३ जना, कोशी प्रदेशमा ३१ जना, मधेश प्रदेशमा ७ जना, बागमती प्रदेशमा ४ जना, गण्डकी प्रदेशमा २६ जना, लुम्बिनी प्रदेशमा ९ जना, कर्णाली प्रदेशमा १५ जना र सुदूरपश्‍चिम प्रदेशमा ११ जना गरी जम्मा १ सय ६ जना घाइते भएका छन् ।

- ADVERTISEMENT -

Advertisement

उता कोशी प्रदेशमा ४१ जना, गण्डकी प्रदेशमा १२ जना गरी जम्मा ५३ जनाको बाढीपहिरोबाट उद्धार गरिएको छ ।

- ADVERTISEMENT -

Advertisement

बाढी पहिरोबाट कोशी प्रदेशमा २ जना, बागमती प्रदेशमा २ जना र गण्डकी प्रदेशमा १ जना र सुदूरपश्‍चिम प्रदेशमा १ जना गरी ६ जना वेपत्ता भएका छन् ।

बाढीको कारण जम्मा १ सय ७६ घर डुबानमा परेका छन् । १ सय ६१ वटा घर, ६८ वटा गोठ, ४१ वटा पुल, १ वटा विद्यालय र २ वटा सरकारी कार्यालयमा क्षति पुगेको प्रहरीले जनाएको छ ।

हालसम्म प्रकोपबाट ४ सय ७९ वटा पशु चौपाया मरेका छन् । उक्त अवधिमा विपद्‍का घटनाबाट ३ हजार ४ सय ६२ घर परिवार विस्थापित भएका छन् ।

बाढी पहिरोको जोखिममा रहेका विभिन्न जिल्लाका घर परिवारलाई सुरक्षित स्थानमा सारिएको छ। पहिरोमा पुरिएका धनमाल निकालेर सुरक्षा गरिएको प्रहरीले जनाएको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -