‘अफलाइन राइडिङ’ गर्दा युवतीले गुमाइन् ज्यान

July 8, 2024
- ADVERTISEMENT -

काठमाडौं, असार२४– सरकारले अवैधानिक घोषित गरेको ‘अफलाइन राइडिङ’का क्रममा एकजना युवतीले ज्यान गुमाएको खुलेको छ।

राइड सेयरिङ एपहरूलाई छलेर ‘अफलाइन राइडिङ’का क्रममा दुर्घटना हु्ँदा असार १५ गते राति साढे ९ बजेतिर गोर्खाको सिरानचोक–२ की अनु गुरुङको ज्यान गएको हो ।

जिल्ला प्रहरी परिसर काठमाडौंका अनुसार गुरुङ दुर्घटनामा परेर गम्भीर घाइते भएपछि उनलाई घटनास्थलमै छाडेर भागेका तीनजना मोटरसाइकल चालक पनि पक्राउ परेका छन् ।

- ADVERTISEMENT -

Advertisement

यही असार १५ गते काठमाडौं महानगरपालिका–१ जमल, कान्तिपथस्थित होटल यल्लो प्यागोडाअगाडि सवारी दुर्घटनामा परेको थियो ।

- ADVERTISEMENT -

Advertisement

दुर्घटनापछि भागेका मोटरसाइकल चालकलाई प्रहरीले पक्राउ गरेपछि उक्त कुराको खुलासा भएको हो । सोमबार सार्वजनिक गरिएकाहरूले ‘अफलाइन राइडिङ’का क्रममा घटना हुन पुगेको स्वीकारेका छन् ।

- ADVERTISEMENT -

Advertisement

उक्त दुर्घटनापछि फरार भएर पक्राउ पर्नेमा जुम्ला घर भई तारकेश्वर नगरपालिका बस्ने २२ वर्षीय तेज रावल, जुम्ला घर भई मण्डिखाटार बस्ने २३ वर्षीय पदम धिताल र २५ वर्षीय सुरेश अधिकारी छन्।

जिल्ला प्रहरी परिसर काठमाडौँका एसपी नवराज अधिकारीले असार १५ गते राति साढे ९ बजेतिर गोर्खा सिरानचोक–२ की अनु गुरुङसहित तीन साथी गोंगबुबाट ललितपुरको हात्तीवन जाने क्रममा दुर्घटना भएको हो ।

अनुसहितलाई तेज रावल र उनका साथीले अफलाइन राइड गरी लगिरहेका थिए । त्यही क्रममा जमलस्थित एल्लो प्यागोडा होटलअगाडि पुगेपछि तेजले चलाएको प्रदेश नम्बर ३–०२–००७ प ६६७९ नम्बरको मोटरसाइकलबाट खसेर अनु सडकमा बजारिएकी थिइन् ।

सडकमा खसेपछि पदमले चलाएको बा ३६ प ३२४ नम्बरको मोटरसाइकलले उनलाई ठक्कर दिएको अनुसन्धानबाट खुलेको अधिकारीले बताए ।

पदमले चलाएको मोटरसाइकलको ठक्करबाट अनुको टाउकोमा गम्भीर चोट लागेको थियो। उनलाई उपचारका लागि वीर अस्पतालस्थित ट्रमा सेन्टरमा भर्ना गरिएको थियो । तर उपचारका क्रममा उनले असार १८ गते ज्यान गुमाइन् ।

अनुलाई ट्रमा सेन्टर लगेर उपचार चल्दै गर्दा दुर्घटनामा संलग्न मोटरसाइकल चालकहरू भने घटनास्थलबाट भागेका थिए। तर उनीहरूलाई गोंगबु क्षेत्रबाट प्रहरीले पक्राउ गर्न सफल भएको छ ।

उनीहरूलाई प्रहरी वृत्त दरबारमार्ग र जिल्ला प्रहरी परिसर काठमाडौंको टोलीले ‘अपरेशन अफलाइन हन्टर’, मार्फत पक्राउ गरेर ज्यानसम्बन्धी कसुरमा अनुसन्धान थालेको अधिकारीले बताएका छन् ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -