काठमाडौँ, असार २३ – भर्खरै अमेरिका र वेस्ट इन्डिजमा आईसीसी टी–२० विश्वकप क्रिकेटको नवौँ संस्करण सकिएको छ । विश्वकप विजेता भारत अहिले जिम्बाबे भ्रमणमा छ । जिम्बाबेसँगको अप्रत्यासित हारका कारण पनि भारतीय क्रिकेट चर्चाको विषय बनिरहेको छ ।
टी–२० विश्वकप भर्खरै सकिएकाले पनि पछिल्लो केही दिनयता क्रिकेटको अन्तर्राष्ट्रिय क्यालेन्डर सुस्ताएको अवस्थामा छ । यसका बावजुद इङ्ल्यान्डमा अहिले परक स्वादको एउटा क्रिकेट प्रतियोगिता सञ्चालन भइरहेको छ ।
- ADVERTISEMENT -
कुनै समय विश्व क्रिकेटमा आफ्नो अदभूत ब्याटिङ र बलिङबाट तहल्का मच्चाउने पूर्वखेलाडीहरु अहिले क्रिकेट खेल्न फेरि मैदानमा ओर्लिएका छन् । ‘वर्ल्ड च्याम्पियनसिप अफ लिजेन्ड्स–२०२४’ नाम दिइएको उक्त प्रतियोगिता जुलाई २४ तारिखसम्म चल्नेछ ।
- ADVERTISEMENT -
प्रतियोगितामा ६ वटा टोली सहभागी छन् । प्रतियोगितामा सहभागी टोली पाकिस्तान च्याम्पियन्स, अस्ट्रेलिया च्याम्पियन्स, भारत च्याम्पियन्स, इङ्ल्यान्ड च्याम्पियन्स, वेस्ट इन्डिज च्याम्पियन्स र दक्षिण अफ्रिका च्याम्पियन्स हुन् ।
- ADVERTISEMENT -
