पाँच वर्षपछि कमलपोखरीमा पानी भरिभराउ

काठमाडौं, असार १९- दाङको तुलसीपुर उपमहानगरपालिका–६ रजौरास्थित कमल पोखरीमा पक्की संरचना निर्माण गरेयता पहिलो पटक पानी भरिएको छ।

तालभित्र पानी अड्याउनका लागि झन्डै ६० लाख रुपैयाँ खर्च गरिएको थियो।

कमल पोखरी सुधार कार्य अन्तर्गत कुल लागत (भ्याट बाहेक) ५९ लाख, ७८ हजार ५ सय ९२ रुपैयाँ खर्चिएर बनाइएपछि ताल भित्र पानी अडिएको हो।

त्यसअघि पोखरीमा विभिन्न निकायको डेढ करोड जति रकम खर्च भइसकेको थियो। तर, तालमा पानी नअडिएपछि त्यसको आलोचना भएको थियो । पछिल्लो समय दुइ करोड बढी खर्चेपछि बल्ल तालमा पानी अडिएको थियो।