आरजु राणाले हालिन् नौवटा टेलिभिजनविरुद्ध उजुरी

July 1, 2024
- ADVERTISEMENT -

काठमाडौं, असार १७- नेपाली कांग्रेसकी नेतृ डा. आरजु राणाले विभिन्न नौवटा टेलिभिजनविरुद्ध प्रेस काउन्सिलमा उजुरी दिएकी छन् ।

नक्कली भुटानी शरणार्थी प्रकरणमा असार १५ मा पक्राउ परेका बेचन झासँग जोडेर आपत्तिजनक सामाग्री प्रसारण गरेको भन्दै आरजुले ती टेलिभिजनविरुद्ध काउन्सिलमा उजुरी दिएकी हुन् ।

कञ्चनपुरबाट पक्राउ परेका झामाथि बिचौलियालाई तत्कालीन गृहमन्त्री, सचिव लगायतसँग भेट गराइदिन मध्यस्थकर्ताको त भूमिका खेलेको आरोप छ ।

- ADVERTISEMENT -

Advertisement

उनै झासँग जोडेर विभिन्न सञ्चारमाध्यमले आरजुको नाम जोडेका थिए । यस प्रकरणमा बेचनले आरजुको पनि नाम लिएका थिए ।

- ADVERTISEMENT -

Advertisement

यही सवालमा आरजुले भ्रामक समाचार हटाएर चरित्र हत्या गर्ने मनासयले प्रकाशित-प्रशारण गरेका सञ्चारमाध्यामहरूलाई कारवाही गर्न मागसहित उनले उजुरी हालेकी हुन् ।

- ADVERTISEMENT -

Advertisement

‘उपरोक्त सम्वन्धमा माननीय आरजु राणा देउवालाई जोडेर प्रकाशन-प्रशारण भएका समाचारहरू तथ्यहीन, भ्रामक र उहाँको चरित्र हत्या गर्ने मनासयले आएका छन्’, उनले स्वकीय सचिव कमल रावलमार्फत पठाएको उजुरीमा भनेकी छन्, ‘प्रकाशित भएकाले यसका सम्पादक, प्रकाशक र समाचार तयार गर्ने सञ्चारकर्मीहरूलाई कानुनअनुसार कारबाही गरी भ्रामक समाचार हटाउन निर्देशन दिन अनुरोध गर्दछु ।’

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -