एकै वर्ष दर्जन बढी सबस्टेशन र वितरण प्रणाली तयार

June 30, 2024
- ADVERTISEMENT -

काठमाडौं, असार १६ – नेपाल विद्युत् प्राधिकरणले चालू आर्थिक वर्ष २०८०/०८१ अवधिमा ठूला क्षमताका प्रसारण लाइन आयोजना निर्माणमा जोड दिएको छ । प्राधिकरणले देशका विभिन्न ठाउँमा ४०० केभी, २२० केभी र १३२ केभी क्षमताका प्रसारण लाइन निर्माण गरेको हो ।

प्रसारण लाइनसँगै प्राधिकरणले सबस्टेशन निर्माणमा जोड दिइरहेको छ । प्राधिकरणका अनुसार यस वर्ष कालीगण्डकी करिडोर २२० केभी प्रसारण लाइन तयार पारिएको छ ।

यो प्रसारण लाइन म्याग्दीको अन्नपूर्ण गाउँपालिका–३ स्थित दाना सबस्टेसनबाट शुरू भएको छ । पर्वत, बागलुङ, स्याङ्जा, पाल्पा, रूपन्देही हुँदै नवलपरासी (बर्दघाट सुस्ता पश्चिम)को नयाँ बुटवल सबस्टेसनसम्म करिब १३० किलोमिटर डबल सर्किट प्रसारण लाइन निर्माण गरिएको हो ।

- ADVERTISEMENT -

Advertisement

त्यस्तै, कोशी करिडोर २२० किलोभोल्ट (केभी) प्रसारण लाइन आयोजना अन्तर्गत वसन्तपुर सबस्टेसनबाट ढुङ्गेसाँघु सबस्टेसनसम्मको प्रसारण लाइनको पहिलो सर्किट निर्माण सकिएको प्राधिकरणले जानकारी दिएको छ ।

- ADVERTISEMENT -

Advertisement

तनहुँको मार्की चोकदेखि काठमाडौंको मातातीर्थ सब-स्टेशनसम्मको करिब ८८ किलोमिटर २२० केभी प्रसारणलाइन र मातातीर्थमै रहेको समान क्षमताको सब-स्टेशन पनि प्राधिकरणले यसै आर्थिक वर्षमा तयार पारिसकेको छ ।

- ADVERTISEMENT -

Advertisement

८ अर्ब लगानीमा काठमाडौंकै ठूलो विद्युत् प्रसारणलाइन र सब-स्टेशन उद्घाटन

यस वर्ष नै ढल्केबर–इनरुवा ४०० केभी प्रसारण लाइन निर्माण भइ सञ्चालनमा आइसकेको छ । सिन्धुपाल्चोकमा रहेको २२०/१३२ केभी क्षमताको बाह्रबीसे सबस्टेशन पनि केही महिनाअघि निर्माण सम्पन्न गरी प्राधिकरणले सञ्चालनमा ल्याइसकेको छ ।

त्यस्तै, प्राधिकरणले सन्धिखर्क–तम्घास १३२ केभी प्रसारण लाइन र तम्घास सबस्टेशन निर्माण सम्पन्न गरिसकेको छ । देशकै तेस्रो ठूलो हेटौंडा सबस्टेशन (४०० केभी) निर्माण पनि यस वर्ष नै सम्पन्न भएको प्राधिकरणले जनाएको छ ।

प्राधिकरणका प्रवक्ता चन्दनकुमार घोषका अनुसार गत साउनयता एक दर्जनभन्दा बढी सबस्टेशन तथा वितरण प्रणाली निर्माण भइसकेको छ ।

जस अन्तर्गत इलामको पश्चिमी क्षेत्र र पाँचथरमा विद्युत् आपूर्ति गर्न ३३/११ केभीको चिसापानी सबस्टेसन, मकवानपुरको बागमती तथा बकैया गाउँपालिकामा विद्युत आपूर्तिका लागि छतिवन सबस्टेसन, म्याग्दीको मङ्गला, मालिका तथा धौलागिरी गाउँपालिकामा विद्युत् आपूर्तिका लागि दरबाङ सबस्टेसन र नवलपरासी (बर्दघाट–सुस्ता पूर्व)को बुलिङटार गाउँपालिका क्षेत्रमा विद्युत् आपूर्तिका लागि बोझपोखरी सबस्टेसन निर्माण गरी सञ्चालनमा ल्याइएको हो ।

विश्व बैंकको ग्रीड सोलार तथा ऊर्जा दक्षता परियोजनामार्फत प्राप्त सहुलितपूर्ण ऋणमा मकवानपुरको मनहरी, सिन्धुलीको दुधौली, दोलखाको नाम्दु र ललितपुरको उनीचौरमा वितरणतर्फको ३३/११ केभी सबस्टेसन निर्माण गरी सञ्चालनमा ल्याइएको प्राधिकरणका प्रवक्ता घोषले जानकारी दिए ।

त्यस्तै, विश्व बैंककै सहुलितपूर्ण ऋणमा रामछापको बाम्तीमा वितरण सबस्टेसन निर्माण गरिएको छ । सबस्टेसनसम्म पुग्ने ३३ केभी प्रसारण लाइन र त्यहाँबाट विद्युत आपूर्तिका लागि सहायक लाइनहरू पनि निर्माण गरी सञ्चालनमा ल्याइएको छ ।

सरकार तथा प्राधिकरणको लगानी र एशियाली विकास बैंकको सहुलियतपूर्ण वितरण प्रणाली सुदृढीकरण तथा विस्तार आयोजनामार्फत सबस्टेसन निर्माण गरिएको हो ।

आयोजना अन्तर्गत देशभरी २५ नयाँ सबस्टेसन निर्माण र १२ सबस्टेसनको स्तरोन्नति तथा वितरण सञ्जाल निर्माण अघि बढाइएको घोषले बताए ।

२५ मध्ये ७ सबस्टेशनको निर्माण अन्तिम चरणमा छ भने अन्यको स्तरोन्नति भइरहेको छ ।

आधादर्जन प्रसारण लाइन अन्तिम चरणमा
प्राधिकरणका अनुसार तनहुँमा मर्स्याङ्दी करिडोर २२० केभी प्रसारण लाइन आयोजनाअन्तर्गत तनहुँको आँबुखैरनी गाउँपालिकाको मार्कीचोकबाट चितवनको भरतपुर महानगरपालिका आँपटारीस्थित नयाँ भरतपुर सबस्टेसनसम्मको प्रसारण लाइन निर्माण अन्तिम चरणमा छ ।

प्रसौनी सबस्टेसन र वीरगञ्ज सबस्टेसन जोडी विद्युत् आपूर्ति गर्न १३२ प्रसारण लाइन निर्माणाधीन छ । पोखरियामा सबस्टेसन पनि निर्माणको काम अन्तिम चरणमा छ ।

त्यस्तै, चिलिमे–त्रिशुली २२० केभी प्रसारण लाइन निर्माणको काम पनि अन्तिम चरणमा पुगेको छ । यता, रमौली–पोखरा प्रसारण लाइन निर्माणको कामले पनि गति लिएको छ । उक्त प्रसारण लाइन निर्माणको काम ६ महिनाभित्र सम्पन्न गर्ने प्राधिकरणको लक्ष्य छ ।

परवानीपुर– पोखरिया २१ किलोमिटर लामो प्रसारण लाइन निर्माणको काम पनि तीव्र रूपमा अघि बढेको प्राधिकरणको दाबी छ । १३२ केभी क्षमताको पथलैया–परवानीपुर प्रसारण लाइन निर्माणको काम पनि अन्तिम चरणमा रहेको प्राधिकरणले जनाएको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -