ओली र प्रचण्डसँग वार्तापछि रविको प्रतिक्रिया : कांग्रेसले मेरो मुख टालिदियो, हातखुट्टा बाँधिदियो

May 13, 2024
- ADVERTISEMENT -

काठमाडौं,बैशाख ३१- राष्ट्रिय स्वतन्त्र पार्टीका सभापति रवि लामिछानेले सहकारी ठगी जस्तो गम्भीर आरोप लागिसकेपछि आफूले एक पटक संसद्‍बाट जवाफ दिन पाउनुपर्ने अडान दोहोर्‍याएका छन् ।

सोमबार सिंहदरबारमा प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीसँगको संवादपछि उपप्रधान तथा गृहमन्त्रीसमेत रहेका लामिछानले अडान नछाड्ने बताएका हुन् ।

‘आरोप लागिसकेपछि एक पटक मैले संसद्‍मा बोल्न पाउनु त पर्‍यो । कांग्रेसले मविरुद्ध प्रमाण छ भनेकाले बोल्न त पाउनुपर्‍यो भनेको हुँ । त्यो प्रमाण बाटोमा या घरमा राखिदिए पनि हुन्छ तर मैले एक पटक बोल्न पाऊँ भनेर प्रधानमन्त्रीसँग कुरा राखेँ’, उनले भने, ‘आफ्नाबारे उठेका कुराबारे संसद्मा बोल्न पाउनुपर्छ भनेँ । त्यसपछि संसदीय समिति बनाउँदा पनि केही छैन ।’

- ADVERTISEMENT -

Advertisement

उनले सोमबार दिउँसो कांग्रेस सभापति शेरबहादुर देउवासहित सभामुख देवराज घिमिरेसँगको संवादमा पनि आफूले त्यही कुरा राखेको बताए ।

- ADVERTISEMENT -

Advertisement

‘एक पटक हातखुट्टा खोलिदिएर कुरा सुन्न त दिनुस् भनेको हुँ । आरोप लगाएको मान्छेलाई बोल्ने मौका त दिनुपर्‍यो नि! फौजदारी आरोप लगाएपछि जवाफ दिन त पाउनुपर्छ’, उनले भने, ‘पहिला त मेरो कुरा सुन्नुपर्‍यो। बोल्न दिएपछि छानबिन समिति बनाउँदा हुन्छ । कांग्रेसको माग न्यायसंगत भएन । मथिका आरोपबारे जवाफ दिएपछि उहाँहरूलाई चित्त नबुझे समिति बनाऊँ ।’

- ADVERTISEMENT -

Advertisement

उनले दलका नेताहरूसँगको छलफलमा आफ्नाबारे उठेका कुरामा जवाफ दिएपछि विकल्पमा जाऊँ भनेको दोहोर्‍याए ।

‘मूल कुरा ममाथि केही महिनादेखि निरन्तर प्रहार भइरहँदा बोल्न पाउनुपर्छ भनेको हुँ । एक पटक कुरा सुन्न सक्ने हिम्मत र धैर्य कांग्रेसमा छैन र ? कांग्रेस जस्तो लोकतान्त्रिक पार्टी विचारलाई निषेध गर्न मिल्छ र ? कांग्रेसले बोल्न नदिएर मेरो मुख टालिदियो, हातखुट्टा बाँधिदियो ।’

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -