आर्सनल र बायर्न म्युनिखको बराबरी : च्याम्पियन्स लिग

चैत्र २८– युइएफए च्याम्पियन्स लिग फुटबल अन्तर्गत क्वाटरफाइनलको पहिलो लिगमा आर्सनल र बायर्न म्युनिखले बराबरी खेलेका छन् ।

गएराति आर्सनलको घरेलु मैदानमा भएको खेलमा दुवै टोलीले २–२ गोल गर्दै अंक बाँडेका छन् ।

आर्सनलका बुकायो साका र लीन्द्रो ट्रोसार्डले गोल गरेका थिए भने बायर्नका फेर्गी ग्नाब्री र ह्यारी केनले एक–एक गोल गरेका थिए।  

अब क्वाटरफाइनलको दोस्रो लिग अप्रिल १८ मा बायर्न म्युनिखको घरेलु मैदान एलियान्ज एरिनामा हुनेछ ।

---