माउन्टेन फ्लाइटका लागि काठमाडौँबाट उडेको श्रीको जहाजमा समस्या आएपछि आकस्मिक अवतरण

काठमाडौँ,असोज १२- माउन्टेन फ्लाइटका लागि काठमाडौँबाट ४२ जना यात्रु लिएर उडेको श्री एयरको जहाजमा समस्या आएपछि आकस्मिक अवतरण गराइएको छ। जहाजमा प्राविधिक समस्या आएपछि त्रिभुवन अन्तर्राष्ट्रिय विमानस्थलमा आकस्मिक अवतरण गराइएको हो।

श्री एयरलाइन्सका प्रवन्धक अनिल मानन्धरले प्राविधिक समस्या आई उडान त्रिभुवन विमानस्थलमै फिर्ता आएको बताए। जहाज उडेको केही बेरमै बाँयातर्फको इञ्जिनमा समस्या आएको बताइएको छ। विमानस्थलका अनुसार जहाजलाई लामो समय आकाश उडाएरु इन्धन खालि भएपछि विमानस्थलमा अवतरण गराइएको छ।