स्थगित भयो ‘आईफा अवार्ड २०२२’

0
159

काठमाडौँ, वैशाख २- युएईको अबु धाबीमा २०–२१ मे २०२२ मा हुने भनिएको बलिउडको प्रतिष्ठित अवार्ड ‘आईफा अवार्ड २०२२’ संयुक्त अरब इमिरेट्स (युएई) का राष्ट्रपति शेख खलिफा बिन जायद अल नाह्यानको निधनका कारण स्थगित गरिएको हो ।

राष्ट्रपति शेखको शुक्रबार निधन भएको थियो । राष्ट्रपति शेखको निधनमा ४० दिने राष्ट्रिय बिदाको अलवा झण्डा आधा झुकाइएको छ ।राष्ट्रपति शेखको निधनको कारण युएईमा ४० दिने शोकको घोषणा गरिएपछि अवार्ड १४ देखि १६ जुलाईमा आयोजना हुने आयोजकले जनाएको छ ।

आईफा आइल्याण्डमा आयोजना गरिएको कार्यक्रम थियो । यस पटक अवार्डमा छायांकन, पटकथा, संवाद, सम्पादन, कोरियोग्राफी, साउन्ड डिजाइन, साउन्ड मिक्सिङ, ब्याकग्राउन्ड स्कोर र स्पेशल इफेक्ट (भिजुअल) गरी ९ विधा समावेश गरिएको छ । कार्यक्रम संस्कृति तथा पर्यटन विभाग –अबु धाबी (डीसीटी) को सहकार्यमा आयोजना हुन लागेको हो । 

बलिउड सुपरस्टार सलमान खान, रितेश देशमुख, मनीष पोल, रणवीर सिंह, कार्तिक आर्यन, सारा अली खान, वरुण धवन, अनन्या पाण्डे, दिव्या खोसला कुमार र नोरा फतेही कार्यक्रम सहभागी हुने तय भएको थियो ।