बाँझो जमिनमा खेती गर्ने पर्वतका ९७ जना कृषकहरुलाई १० लाख बढी अनुदान प्रदान

0
140

पर्वत मंसिर २४-

पर्वतको फलेवास नगरपालिकाले बांझो जमिन सदुपयोग गरि खेती गर्ने ९७ जना कृषकहरुलाई १० लाख ५१ हजार अनुदान रकम प्रदान गरेको छ ।
नगरपालिकाका कृषि शाखा प्रमुख सन्तोष सुवेदीले बाँझो जमिनमा खेति गरेका कृषकलाई प्रतिरोपनी २ हजारका दरले क्षेत्रफलका आधरमा अनुदान प्रदान गरिएको हो ।

नगरले कृषक मैत्री कार्यक्रम गरेको र बांझो जमिन लाई हराभरा बनाइ आयातलाइ प्रतिस्थापन गर्ने सोचका साथ कार्यक्रम अगाडि बढाएको नगरप्रमुख पदमपाणी शर्माले बताएका छन् । श्रमिक कल्याणकारी कोष, कृषि ॠणमा व्याज अनुदान जस्ता कार्यक्रम संचालन गरिएको उनले बताए । उत्पादनमा जोड दिन कृषकहरुलाई प्रोत्साहन र सम्मानका कार्य गरिएको शर्माले बताए ।

विश्वव्यापी रुपमा फैलिरहेको अवस्थामा हुन सक्ने सम्भावित खाद्य सङ्कट लाई मध्यनजर गरी फलेवास नगरपालिका नगरकार्यपालिकाले खाद्य सुरक्षाका लागि बाँझो जमिनमा खाद्यान्न उत्पादनका लागि प्रोत्साहन कार्यक्रम तयार गरेको थियो ।

कृषकहरुले सम्बन्धित टोलबाट खेतबारी २ बर्ष पहिले देखि बाझो रहेको प्रमाणित गरी नागरिकताको प्रतिलिपि, खेति गरिएको जग्गाको लालपुर्जा वा यदि भाडामा लिएको हकमा करार सम्झौता पत्र सहित वडा कार्यालयमा निवेदन दिएको र रितपुर्वक दर्ता भएका निवेदनको वडा कार्यालयबाट जनप्रतिनिधि, वडा सचिव र वडामा कार्यारत प्राबिधिक बाट सघन अनुगमन गरी नगरपालिकामा पेश गरिएको थियो। नगरपालिकामा पेश गरिएको निवेदनको नगरपालिका कृषि विकास शाखाबाट पुन अनुगमन तथा बाली कटानि सर्वेक्षण गरिएको थियो।

तपाइको प्रतिक्रिया दिनुहोस्

Please enter your comment!
Please enter your name here