पिठुवा खानेपानीद्वारा एक महिनाको महसुल छूटको घोषणा

शुल्क तिर्न ढिलाइ गरेका उपभोक्तासँग जरिवाना समेत नलिने

0
303

रत्ननगर,बैशाख २०-

पुर्वी चितवनमा अवस्थित रत्ननगरमा रहेको पिठुवा खानेपानी तथा सरसफाइ उपभोक्ता संस्थाले एक महिनाको खानेपानी महसुल छूट दिने घोषणा गरेको छ ।

शुक्रबार बसेको सञ्चालक समितिको  पूर्ण बैठकले चैत महिनाको महसुल छूट दिने निर्णय गरेको हो ।लकडाउनका कारण उपभोक्ताहरू समस्यामा परेका भन्दै उपभोक्तालाई राहत स्वरुप छुट दिएको बताईएको छ ।

१० हजार लिटर खानेपानी प्रयोग गरेबापत तिर्नुपर्ने न्यूनतम महसुल छूट गर्ने निर्णय भएको अध्यक्ष आशिक तामाङले बताएका छन ।

संस्थाले फागुन, चैत र वैशाख महिनाको शुल्क तिर्न ढिलाइ गरेका उपभोक्तासँग जरिवानासमेत नलिने अध्यक्ष तामाङले बताए ।

लकडाउनका कारण घरघरमा पुगेर मिटर रिडिङ गर्ने अवस्था नरहेकाले सो संस्थाले अघिल्ला तीन महिनाको खपत युनिटलाई आधार मानेर महसुल असुल गर्ने भएको छ ।रत्ननगर नगरपालिका वडा नं १४, १५ र १६ का जनतालाई खानेपानी वितरण गर्दै आएको यस संस्थाको ३ हजार ४६० उपभोक्ता रहेका छन् ।

तपाइको प्रतिक्रिया दिनुहोस्

Please enter your comment!
Please enter your name here