लक डाउनमा विद्यार्थीका लागी डिशहोमले शुरु गर्यो ‘डिशहोम घरमै क्लास’ कार्यक्रम

लामो समय देखि रिचार्ज नगरेकाको लागि नि:शुल्क सेवा

0
151

काठमाडौंँ, बैशाख २०-स्याटेलाइट टेलिभिजन सेवाप्रदायक डिशहोमले लकडाउनमा घरमै बसेका विद्यार्थीका लागि ‘डिशहोम घरमै क्लास’ कार्यक्रम सुरु गरेको छ ।डिशहोम र डियर वाक लर्निङ सेन्टरको सहकार्यमा कक्षा ४ देखि १० सम्मका विद्यार्थीलाई लक्षित गरी टेलिभिजन कक्षा सञ्चालन गर्न लागिएको हो । शनिबारदेखि सुरु हुने यस कार्यक्रममा कक्षा ४ देखि १० सम्मको अंग्रेजी, गणित, नेपाली र विज्ञान विषयका कक्षाहरु रहनेछन् । कक्षा १० का लागि च्यानल नम्बर ११४ मा, कक्षा ९, ८ र ७ का लागि च्यानल नम्बर ११५ मा र कक्षा ६, ५ र ४ का लागि च्यानल नम्बर ११७ मा टेलिभिजन कक्षा प्रशारण हुनेछन् ।यी कक्षाहरु बिहान ८ बजेदेखी बेलुकी ८ बजेसम्म प्रशारण हुने डिशहोमले जनाएको छ ।यसका साथै विगत ६ महिनाभन्दा बढी समयदेखि विभिन्न कारणले डिशहोम रिचार्ज गर्न नसकेका पुराना ग्राहरुका लागि डिशहोमले बैशाख २१ गते देखि लागु हुने गरी ३० दिन सम्मका लागि सम्पुर्ण २०८ च्यानलहरु निःशूल्क उपलब्ध गराउने छ ।यो सुविधाबाट लकडाउनको अवधिमा ग्राहकको आफ्नो परिवारसँगको बसाईलाई रमाईलो बनाउन सहयोग पुग्ने डिशहोमको विश्वास छ ।

तपाइको प्रतिक्रिया दिनुहोस्

Please enter your comment!
Please enter your name here