रत्ननगरमा आकाशेपुलको निर्माण शुरु

आकाशेपुल निर्माणको लागि भरतपुर स्थित हिम सगरमाथा कन्स्ट्रक्सन प्रा.लि.ले ठेक्का पारेको छ ।

दुबै तर्फबाट आवत जावत गर्न मिल्ने गरी ४० मिटर लम्वाई र साढे ५ मिटर उचाइ रहेको आकाशेपुल निर्माण हुनेछ ।

यहाँ नेपालमै पहिलो पटक स्टीलका सामाग्रीहरु प्रयोग गरेर सो पुल निर्माण गर्ने नगरपालिकाका प्रबक्ता राजेन्द्र हमालले जानकारी दिए ।

आकाशे पुललाई अपाङ्गमैत्री बनाउन लिफ्ट जडान गर्ने योजना रहेको उनले बताए ।

आकाशेपुल निर्माणको लागि २०७६ फागुन २ गते सम्झौता गरिएको र २०७७ असार २४ गते भित्र सम्पन्न गर्नुपर्ने छ । आकाशेपुल चालु आर्थिक बर्षको महत्वपूर्ण आयोजना भएको र निर्धारित समयमै निर्माण सम्पन्न गर्ने योजना रहेको मेयर नारायण वनले बताए ।

शहरीकरणको विस्तार,सवारी दुर्घटना न्यूनीकरण र नगरलाई विकासको उचाइमा पु¥याउन आकाशेपुल निर्माण सुरु गरिएको मेयर वनले बताए।नगरपालिकाले गत बर्ष नै टाँडीचोक,सौराहाचोक र बकुलहर चोकमा आकाशेपुल निर्माण गर्ने योजना बनाएको थियो ।अर्को बर्ष सौराहाचोकमा आकाशेपुल निर्माण सुरु हुनेछ।शिलान्यास कार्यक्रममा नेकपाका नगर अध्यक्ष कुलप्रसाद लामिछाने,नेपाली काँग्रेसका नगर सभापति रुपनराज घिमिरे,वडाध्यक्षहरु तिलकराज शर्मा,शंकरसिह तामाङ,गुप्तनाथ भट्टराई,रविन्द्र चौधरी,विनोद बस्नेत,केशव आचार्य,हरिकुमार श्रेष्ठ,हेमरान थापा,कार्यपालिका सदस्य मीना गिरी लगायतको सहभागिता रहेको थियो ।