भोलि देखि देशभर पूर्ण लकडाउन गर्ने सरकारको निर्णय/घर बाहिर निस्कन प्रतिबन्ध

0
97

काठमाडौं,१० चैत्र – संसारभर महामारिको रुप लिइरहेको कोरोना भाईरस (कोभिड–१९),को उच्च जोखिमका कारण सरकारले देशभर पूर्ण रुपमा लकडाउन गर्ने निर्णय गरेको छ। उपप्रधानमन्त्री तथा रक्षामन्त्री ईश्‍वर पोखरेलको संयोजकत्वमा रहेको कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिको सोमबार बसेको बैठकले भोलि म‌ंगलबार बिहान ६ बजेदेखि  एक साताका लागि देशभर लकडाउन गर्ने निर्णय गरेको हो।

लक डाउनमा सबै हवाई सेवामा समेत रोक लगाएको छ । सार्वजनिक यातायात बन्द गर्ने निर्णय गरेको छ, भने अत्यावश्यक बाहेकका सबै सरकारी कर्मचारीलाई बिदासमेत दिने निर्णय गरेको हो।

अनुमति प्राप्त सवारी साधन, स्वास्थ्यकर्मी, सुरक्षा निकायले प्रयोग गर्ने बाहेक सबै प्रकारका सार्वजनिक सवारी वा निजी सवारी साधनलाई पनि रोक लगाइएको छ।औसधी उपचार, खाद्य बस्तु खरिद जस्ता अत्यावस्यक काममा बाहेक कुनै व्यक्ति घरबाट बाहिर ननिस्कन भनिएको छ।