शारीरिक सम्बन्ध राख्न खोजेको भन्दै महिलाले गरिन छिमेकीको हत्या

0
95

चितवन, जेठ ३ –

चितवनमा एक पुरुषको हत्या गरेको आरोपमा एक महिला पक्राउ परेकी छिन । जिल्ला प्रहरी कार्यालय चितवनले ईच्छाकामना गाँउपालिका ५ बस्ने ४५ वर्षीय काईली भन्ने सर्किना चेपाङलाई छिमेकीको हत्या आरोपमा पक्राउ गरेको हो ।

प्रहरीका अनुसार वैशाख ३१ गते ईच्छाकामना गाँउपालिका ५ स्थित तिननम्बर पुलबाट ५० मिटर तल खोल्सामा ६५ वर्षीय गोपी प्रजाको शव फेला पारेको थियो । टाउकोमा चोट लागेको अवस्थामा प्रजाको शव भेटिएको थियो । घटनाको अनुसन्धान गर्ने क्रममा प्रहरी निरीक्षक सहितको टोलीले सर्किना चेपाङलाई पक्राउ गरेको हो ।

प्रजाले रातको समयमा शारीरिक सम्बन्ध राख्ने भन्दै जबरजस्ती गरेको हुदाँ सर्किनाले आफुसंग भएको खुर्पाले टाउकोमा प्रहार गरी गम्भीर घाईते अवस्थामा छोडी गएको सर्किनाले स्विकार गरेको अनुसन्धानमा खुल्न आएको प्रहरी प्रवक्ता सरोज गिरीले जानकारी दिए । सर्किना चेपाङलाई पक्राउ गरी थप अनुसन्धान भईरहेको गिरीले बताए । घटनामा प्रयोग गरिएको भनिएको फलामले बनेको धारिलो घरेलु हतियार पनि प्रहरीले बरामद गरेको छ ।

तपाइको प्रतिक्रिया दिनुहोस्