ओली र नेपाल पक्षबिचको छलफल सकियो, भोलि सचिवालय बैठक बस्ने

0
300

काठमाडौं, वैशाख १५–

सत्तारूढ नेपाल कम्युनिष्ट पार्टी नेकपामा देखिएको विवादबारे छलफल गर्न वरिष्ठ नेता माधवकुमार नेपालको कोटेश्वरस्थित निवासमा बसेको बैठक सकिएको छ।

प्रधानमन्त्री समेत रहेका नेकपा अध्यक्ष केपी शर्मा ओली पक्ष र नेपाल पक्षमा मुख्य नेताहरू छलफलमा सहभागी थिए।

छलफलमा ओली पक्षबाट ईश्वर पोखरेल, विष्णु पौडेल, शंकर पोखरेल, प्रदीप ज्ञवाली सहभागी रहे। नेपाल पक्षबाट भीम रावल, सुरेन्द्र पाण्डे र रघुजी पन्त सहभागी थिए।

छलफल सकिएपछि सेतोपाटीलाई प्रतिक्रिया दिँदै उपप्रधानमन्त्री ईश्वर पोखरेलले अनौपचारिक कुराकानी भएको तर कुनै निर्णय नभएको बताए। पोखरेलले मंगलबार पार्टी सचिवालय बैठक बस्ने जानकारी दिए।

यस्तै नेपाल पक्षका नेता रघुजी पन्तले मन माझ्ने काम भएको बताए।

यतिबेला नेपाल र अर्का अध्यक्ष पुष्पकमल दाहाल ‘प्रचण्ड’ एक ठाउँमा उभिएपछि प्रधानमन्त्री ओली पार्टीभित्र अल्पमतमा छन्।

नेकपाभित्र सरकारको समीक्षाको माग गर्दै स्थायी समिति सदस्यले बैठक बोलाउन माग गर्दै अध्यक्षद्वयलाई आग्रह गरेका छन्।

तपाइको प्रतिक्रिया दिनुहोस्